رئيس مجلس الادارةحسام محمود
رئيس التحريرأمينه سعد

لما قولت اني بحبك … شعر … ياسر السيد

  • أدب , شعر
  • 20 أبريل 2019
  • 1033 مشاهدة
لما قولت اني بحبك  … شعر …  ياسر السيد

                  لما قولت آنى بحبك
ماكنتش اقصد بيها انتي
كنت اقصد واحده تنفع ..
تبقا امي وتبقا بنتي
واحده تنفع تبقا زوجه

      تبقا ضهرى وقت حوجة
تبقا قشّه ف وسط موجه
تبقا تستاهل مكانه
واحده تبقى صاينه عشره

         مش نكد وتملي كِشره
مش دهب مغشوش وقشره
مش مجرد سد خانه

     واحده مهما الدنيا عاندت
تبقا واقفه وماتطاطيش
واحده مهما الدنيا ضاقت
تبقا راضيه \ ماتشتكيش
وانتي حلوه وكل حاجه ..

      بس برضو ماتنفعيش

شارك برأيك وأضف تعليق

حقوق النشر لموقع الكاميرا نيوز 2019 ©