ياسمين بنت السويس ماتت بسبب جشع وجهل طبيبة لاتعرف الرحمة

ياسمين بنت السويس  ماتت   بسبب جشع وجهل طبيبة لاتعرف الرحمة
2149988538862215240
كتب – آخر تحديث –

متابعة – أحمد فرغلى

لاشىء فى الدنيا أغلى من حياة الأنسان ولا يوجد مايعوض أطفال عن حنان أم دفعت  حياتها ثمن لجشع وجهل طبيبة لايعرف قلبها الرحمة واليكم الحكاية كنا جائت على لسان زوجها دون اضافة كلمة واحدة مع الأحتفاظ بأسم الطبيبة لمن يهمه الأمر 

ياسمين عندها 27 سنة معاها بنتين وكانت حامل في ولد كانت رايحة مستشفى عين الحياه اللي في الغريب _ السويس تراكب محاليل عشان الانميا قابلت بالصدفة الدكتورة  د.ح  بتيجي المستشفي دي كل جمعة قالتها انتي لازم تعملي العملية في مصر وانا هولادك انا ودكتور حسام الجوهري في مستشفي الفتح الإسلامي في المعادي وان المستشفي مجهزة وفيها كل حاجة بس مصاريفها غالية شوية ياسمين قالت مش مشكلة أهم حاجة نقوم بالسلامة انا والبيبي
قالتها احنا ممكن نتطر نشيل الرحم عشان المشيمة ممكن تعمل نزيف واحنا مافيش قدامنا غير أننا نشيل الرحم بس هانفتح الأول ونشوف ممكن مانحتجش أننا نشيلو.. ياسمين رضيت وقالت كل اللي يجيبة ربنا كويس وسلمت أمرها للة وقالت انا موافقة والدكتورة حددتلها ميعاد العملية
وراحت يوم الاتنين23 -5 راحت المستشفي
وقبل ماتدخل العمليات سألتها الدكتور حسام الجوهري وصل قالت وصل وكل الأستاف  موجود متقلقيش

دخلت ياسمين حجرة  العمليات طلعوا البيبي وودو لماما وفجأة الممرضات كلهم بيجرو محتاجين دم جري جوزها يجيب دم مع أنها قايلة أنها مستشفى مجهزة وفيها بنك دم وبعد فترة كبيرة لقينها طالعة وياسمين داخلت العناية المركزة وشالولها الرحم وبتقول انا عملت اللي علية وأنها ماشفتش حالة كدا قبل كدا وربنا يتولاها

جوزها ومامتها قالولها ازاي قالتلهم ادعولها سألوها فين الدكتور حسام اتهربت وفهمنا انها طمعت عشان تاخد الفلوس كلها لوحدها جوزها ومامتها سألوها انتي عملتي فيها أية قالتلهم انا مضربتش فيها مشرط واخلت مسؤليتها تماما وياسمين كل دة عمالة  تنزف وجة دكتور علي بليل قالهم انقولها مستشفي تانية عشان المستشفي دي مش مجهزة وشالو جهاز التنفس من عليها وركبوها عربية الإسعاف وودوها مستشفي السيد جلال في باب الشعرية الوقت مابين المستشفي دي للمستشفي دي ساعة
الأكسجين قل من المخ …. ياسمين اول مادخلت المستشفي الدكتور قالهم انتو جايبنها مايتة النبض وقف ومافيهاش نقطة دم بس المخ كان لسة شغال عملولها صدمات كهربائية لحد مالنبض رجع تاني ودخلو بيها عمليات تاني عشان يعرفو سبب النزيف اية وفاتحو بطنها لقوها قاطعة وريد في المثانة ووريد في المعدة وكذا وريد تاني هو اللي مسبب النزيف دا وطبعا الحالة سيئة جدا كوي الاوردة ولقي طبقات البطن مهتكة وطالعوها ودوها العناية حطوها علي الأجهزة لأن الكبد وقف والكلى الدكتور قال حرام اللي اتعمل فيها دا لو مضروبة بالنار مش هتبقى كدا وقال حسبي الله ونعم الوكيل في اللي عملها العملية… وقالو لازم دم سخن عشان الأجهزة تشتغل وفضلت ياسمين علي الأجهزة لحد الساعة 10 بالليل 25. 5 وقفت كل حاجة وشالو الأجهزة وتوفيت اللة يرحمها الدكتور قال انتو لو عاوزني أشهد معاكو انا موافق بس متسكتوش علي اللي حصلها

قولت لازم اعرف الناس كلها عشان ياخدو حظرهم دي مش دكتورة دي سفاحة هي اللي قتلتها ويتمت عيالها حسبي الله ونعم الوكيل وهانزلكو صورت الدكتورة.. ياسمين اللة يرحمها ويصبرنا علي فراقها ياريت الكل يشيرها عشان الدكتورة دي تاخد عقابها…

طبعا احنا حذفنا صورة الطبيبة وكذلك صورة ياسمين الضحية ولن نكتفى فقط بالدعاء..

بل يجب التحقيق فى الواقعة لآن  ماحدث لياسمين جريمة كاملة متكاملة الأركان يجب التحقيق فيها ومعاقبة الطبيبة التى تسبب فى موت ياسمين حتى لاتكون سببا فى موت ضحية آخرى لاذنب لها … ورحمة الله على ياسمين والدعاء لها بالمغفرة 

عن الكاتب

رئيس التحرير