رئيس مجلس الادارةحسام محمود
رئيس التحريرأمينه سعد

اتكسر بينا جدار … شعر … . محسن الدالى

  • شعر
  • 16 نوفمبر 2017
  • 1110 مشاهدة
اتكسر بينا جدار … شعر … .  محسن الدالى

 

 

 

 

اتكسر بينا جدار..
والصمت …علم في الملامح
انتهى كل الحوار..
واتغيرت لغة الجوارح

           افترقنا…

واللى كان بيضمنا …
بقى حد فاصل…
افتقدنا من ايدينا .
كل اسباب التواصل..
اختلفنا مين هيبدأ….
أو يحاول أو يواصل
أو يفكر فى التسامح

اتكسر بينا جدار…
والصمت علم فى الملامح

*******

إرتضينا . .
بيأسنا المقسوم..
واكتفينا ..
بحسنا المهزوم
كان هوانا بيتقتل..
ويجافينا ..يوم عن يوم
واحنا رافضين التصالح

اتكسر بينا جدار…..
والصمت علم فى الملامح

***********

ابتدينا نحس..
بعد غربتنا
أننا سمحنا ..
لحاجه سهله فرقتنا

كلمه بسيطه..
كانت رجعتنا

لو سمعنا لصوت العقل..
والنصايح…..

اتكسر بينا جدار….
والصمت علم ..
فى الملامح

 

شارك برأيك وأضف تعليق

حقوق النشر لموقع الكاميرا نيوز 2019 ©